• KS Media HK

梁珈詠深圳剪綵瘀事多 拚體能輸唔晒大嗌好彩

更新日期:8月 17


藝人梁珈詠 (大頭妹) 日前與雷晴雯、吳國敬、艾威、林敬剛、李霖恩等出席深圳一健身中心的開幕典禮,自問貪玩的她更不惜脫掉高跟鞋,赤腳與湯沛宜、陳偉洪、方紹聰進行即場體能大測試。梁珈詠更笑稱相比其他三人自己算是「一把年紀」,只要唔輸得太難睇已經好開心:「佢地套電子健身系統好似玩跳舞機咁,睇見已經好想玩,況且有教練教兼有人陪,梗係乜都要試下啦!」

不常運動只是偶爾練練瑜伽的梁珈詠本已有心理準備要做包尾大班,但最後竟出乎意料地「輸唔晒」,仲要鏈贏方紹聰同大隻仔陳偉洪,笑言講都無人信:「嗰項測試係 Test 腰腿支撐同柔軟度,可能男仔啲骨比較硬,加上我都有玩下瑜伽咁先叫僥倖做得到,但其實我嘅姿勢都做得真係幾唔標準架!」講完梁珈詠自己都忍唔住大笑。

梁珈詠更笑說此行瘀事不斷,先是唔識用內地電話卡,過關時關員認不出證件上無化妝的她,回鄉證又無登記自助通關,普通話又講到一舊舊,結果為同行嘅師姐雷晴雯同林敬剛帶來不少笑料:「今次係我第一次返內地做開幕嘉賓,所以都真係有少少傻吓傻吓,幸好師姐、King Kong 同我都超熟,佢哋肯瘀我即係袋緊錢入我袋,其實我已經賺咗。」梁珈詠笑著表示,經此一行都係快啲逼自己辦理內地自助通關同學好啲普通話,避免瘀事再次發生。 (相片由PR公司提供)


18 次瀏覽

© 2013 KS Production HK

KSmediaHK由KS Production於2017創立,是香港本地娛樂的網絡新媒體頻道Online Media,提供最新最快第一手的娛樂資訊,藝人及名人專訪,明星活動採訪等,請各位觀眾多多支持!