何俊軒大食特食解鄉愁 不捨粉絲盼往內地發展

更新日期:2020年8月17日


前無線藝人何俊軒因開工斷十字韌帶移居加拿大養傷,出名愛吃的他近日傷癒回港探親趁機大食特食,食遍香港九龍新界,問他在加國簽了模特兒公司擔心增磅,何俊軒苦笑說:「加拿大啲嘢我一直都食唔慣,初初過到去腸胃根本完全唔適應搞到腸胃敏感瘦咗成個圈,今次難得返到嚟點都食返夠本,大不了返到加拿大先再辛苦啲俾心機勤力做 Gym減肥。」 何俊軒坦言在加國最想念的是香港的咖哩飯、油渣麵、「掃街」,因不知道什麼時候會再返港所以今次點都食返夠本。

問到早前加盟加國電台當DJ的他可是打算在加拿大作長久發展,何俊軒坦言如有機會仍希望回流香港及到內地發展:「我始終係中國人,都係中國比較適合我,不過呢一行一向睇機緣,如果真係有人賞識俾機會的話,我都會考慮為工作而專程飛返嚟。」何俊軒表示感激粉絲們的一直支持,他自己亦捨不得他們,所以絕對不會放棄香港的市場。 (相片由PR公司提供)


14 次瀏覽0 則留言