歌手出身的可嵐，眨下眼已經入行第10年， 單身嘅佢，一身兼幾職，不過都算對自己有交代。日前出席「第五屆創+作微電影頒獎典禮」，首次以演員身份，憑微電影作品《十年後，再一次輸入中》，獲頒發「最佳微電影女主角−金獎」！而團隊在比賽中，更獲得「最佳編劇」和「電影創作大獎−銅獎」，成為今年比賽的大贏家！ 今次攞獎，可嵐自言好興奮，佢除咗多謝謝導演何笑和監製科林之外，仲話：「我從來冇諗過，作為歌手可以拿一個演員獎，仲要係最佳女主角！導演在寫劇本時，好耐心同我溝通，同埋好感謝佢願意聆聽我嘅故事。我本身好鍾意呢個劇本，而無獨有偶亦有投資者願意將呢個劇本開拍成網絡電影。希望我哋可以將呢個咁好嘅劇本，能夠拍成一套更豐富同感人嘅電影！」今次獲獎的確對可嵐進軍影壇，確實打咗支強心針。 另可嵐仲話4月初同好友趙頌茹以及關伊彤一齊帶小朋友去越南拍旅遊節目，實行寓工作於娛樂。 (網上消息)
